ساچ آغاردی آنجاق اوره ک آلوولودور اول کی تک

ساچ آغاردی آنجاق نه غم الیمده دیر هله قلم

بیلیره م کی دئمه یه جک بیر سئوگیلیم- بیرده وطن

شاعیر نه تئز قوجالدین سن؟!

صمدوورغون

داش

غریبه دیر بو دونیانین هر ایشی

داشا دؤنور بوتون سئوگیم-دیله ییم

بیلمیرم بس ندن ؟ آخی بس ندن؟

ایلک دفعه-ایلک دفعه سنی دیله دیم؟

 

اؤزومو دیله دیم لاپ داشا دؤندوم

بوتون داش تانری لار مندن دوغولدو

آزادلیق دیله دیم اؤز وطنیمده

اؤزگه اؤلکه لرده داشدان یونولدو

 

گئتدیکجه داش اولور هریانیم منیم

داها هئچ بیر نه یی دیله مه ییرم

بیر اوره ییم قالیب آنجاق اونودا

اگر داشدان اولسا هئچ ایسته میرم

بوتون شاعیرلردن شاعیر اولاردیم

کؤچوره بیلسه یدیم اؤزومه سنی

اؤکسوز حیاتیما باخا بیله ردیم

قوپاریب قویسایدیم گؤزومه سنی

 

بوتون دیوان لاری گؤزومه تپدیم

اوخودوم هامی سین - اوخودوم آنجاق

یوخ گؤزوم سو ایچمیر! بعضاً دویورمور

تامام شاعیرلرین شعرین اوخوماق

 

تامارزی-تامارزی باخیرام یولا

من سنی گؤزومدن قویمارام گولوم

دونن یئری ییردی یول لار صاباحا

دایان ! من صاباحدان دویمورام گولوم

        

 

       ۱۳۷۷- تبریز- ۱۳به ه ه ه ه ه در